Rural Market Haat hawng

NABARD hnuaia sak East Lungdar-a Rural Market Haat chu Inrinni khan NABARD Assistant General Manager Soraj Meher chuan a hawng.
National Bank for Agriculture and Rural Development (NABARD), North East Initiative Development Agency (NEIDA) leh East Lungdar Village Council tangkawpte hmalakna a sak East Lungdar-a Rural Market Haat hawngtu NABARD Assistant General Manager Soraj Meher chuan East Lungdar Village Council in Rural Haat sakna tur hmunhma an lo pek avanga lawmthu sawiin, NABARD hnuaiah Scheme hrang hrang a awm thu leh Bazar building sakna hi Rural Haat Project a nih thu a sawi a. Heng bakah hian mimal sumdawnna lama hma latute tan ‘Rural Mart Scheme’ pawh a ngaihven theih reng thu leh kutthemthiamna hmanga thil siam thinte tan pawh Scheme tha tak tak a awm thu sawiin, Bazar building thar chu uluk taka enkawl a vawngfel turin a chah bawk.


East Lungdar-a Rural Market Haat hawnna hunah hian NABARD Official leh NEI-DA-a hotute bakah East Lungdar-a tlawmngai pawl hrang hrang hruaitute leh VC te an tel a. Rural Market Haat hawnna neih zawh hnu hian NABARD Assistant General Manager leh thawh-puite hian East Lungdar Block leh Serchhip Block-a Farmers Producer Organisation (FPO) te tlawhin, Hualtu khuaa Farm Sector Promotion Fund (FSPF) hnuaia SALT Project tlawhin hun an hmangho bawk a ni.

Comments

Popular News (Last 30 Days)

Vawiin-ah HSSLC Exam result