Er. Lalrinawma’n a bial chhunga hnathawh a enfiah

Tuikum bialtu MLA leh Minister Er. Lalrinawma chuan Inrinni khan a bial chhunga Thentlang leh Sialhau khua tlawhin khawtlang hruaitute nen khawtlang mamawh leh tulte an sawiho.
Tuikum bialtu MLA hian Sialhau Community Hall sak thatna tur leh Govt. Middle School sakna tur hmun te tlawhin Thentlang-a YMA Run, MUP In, Community Hall leh Panchayat House sak mek te a tlawh bawk a, khawtlang hruaitute chuan Minister hi an lo tawiawm a ni.


Heng khaw pahnih-a khawtlang hruaitute nen an inkawmna ah Er. Lalrinawma chuan kan hnathawh apiangte hi ram tana thawk leh ti kan ni tel zel a, chuvang chuan mahni zawnah theuh tha taka thawh zel hi kan tih tur a ni, a ti a. Khawtlang hmasawnna tur ruahmanna te hi khawtlang hruaitute leh Department thawktuten an sawiho hmasak a pawimawh thu sawiin, chu chuan rah tha a chhuah thin thu leh ram rotling te hi midang siam tur bik ni lovin kan tih theih vek a nih thu a sawi a, mipuite pawhin ngaihtuahna kan sen a kan khawtlang tana tha leh mitin chhawr theih thil te kan dap thin a tul thu a sawi a. Vantlang thil te mahni ta ang taka enkawl thiam a pawimawh thu pawh sawiin, neitu rilru kan put a pawimawh hle a ni, a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man