MSSTA in CM-ah ngenna thlen

Mizoram SSA Teachers Association (MSS-TA) hruaitute chuan nimin khan Chief Minister Zoramthanga hmuin an service chungchanga tunhnaia High Court thuchhuak chu sawrkarin appeal lo a SSA Teacher-te tana hamthatna ruahman nana hmang tangkai zawk turin an ngen.

MSSTA thuchhuah tarlan danin nimin khan Chief Minister Zoramthanga chu a Pisa-ah hmuin lehkha an thehluh bakah an duhdan te an thlen a, an thilphut chu sawrkarin ngaih pawimawh sak ngei turin an phut tih an sawi bawk.

He inbiakna ah hian Chief Minister hian SSA zirtirtute hmakhua chu a tha zawnga a lo ngaihtuah thin thu sawin, High Court thutlukna anga SSA Teacher-te dah ngheh ve theihna tur Scheme siam tura MSSTA in a ngenna chu a lo ngaihtuah tur thu a sawi a, Court thuchhuak appeal tura file kal mek pawh alo zirchian ve tur thu a sawiin, CM pawmpuina lo chuan thutlukna siam a nih loh tur thu a lo hrilh a ni. MSSTA hruaitute hian CM hnena File a luh hunah thuchiang a hriat theih thuai dawn tih sawiin, he an inkawmna ngaichanga CM Office Gate kawt-a pungkhawm te pawh an hruaituten Chief Minister an hmuh zawh hnu hian an tindarh a ni.