MLA in New Serchhip South MUP Run a hawng

Mizoram Upa Pawl (MUP) New Serchhip South Branch ten MLA Fund an hmuh atanga New Serchhip Venglai-a MUP Run an sak chu Inrinni khan bialtu MLA Lalduhoma chuan a hawng.

New Serchhip South MUP Run hawnna puala inkhawm an President H. Lalliana kaihhruaia neih ah hian bialtu MLA Lalduhoma chuan ram changkang ah kum upa te an ngaihlu in anmahni enkawlna tur ruahmanna tha tak tak sawrkarin an siamsak thin thu leh an awhawm em em thu sawiin, hna dang thawh ngai tawh lovin Tar chawmna hmang chauh pawhin an khawsak theih thute a sawi a. Sawrkar laipui in Tar chawmna Rs. 2000/- ah a tihpun thu sawiin, ZPM in sawrkarna an chang anih chuan Rs. 1000/- zel an pek belh dawn thu a sawi bawk. Serchhip bialtu MLA chuan MUP New Serchhip South Branch ten MUP Run an neih theihna tura a bul tan nana hma lo la hmasatu bialtu MLA hlui Lal Thanhawla chungah lawmthu a sawi a, hun lo kal zel turah changtlung zawka thuamthat chhunzawm pui zel a tum thu sawiin, kum lama naupang zawk ten an entawn zel theiha awm turin MUP Member kalkhawmte chu a chah bawk.

New Serchhip Venglai Pioneer Camp hmun hlui-a New Serchhip South MUP Run sak thar an hawn tak hi bialtu MLA in MLA Fund a pek cheng nuai 5 hmanga sak niin a hawnna hunah hian an Branch Secretary leh Treasurer ten Report an pe a, MUP Serchhip District Hqrs. hruaitute pawhin thu an sawi bawk a ni.