KS. Thanga’n Congress atanga banna a thehlut

Mizoram-a Congress sawrkar laia Minister lo ni tawh KS. Thanga chuan Congress party atanga banna thehlutin a rual hian an Party hruaitu thenkhat te pawhin banna an thehlut bawk.

Nimin-a banna a thehluh ah hian KS. Thanga chuan a ban chhan hi point pasarih (7) a ziak lang a, MPCC President ni lai Lalsawta chu MPCC President Lal Thanhawla a ban theih nana phiarru ah puhin, Signature campaign hial huaihawtah a puh bakah Lal Thanhawla chu a term zawh hmain Congress hmangaih vangin a bang ta niin a sawi a. Contractor pakhatin lawmthu sawi nan a hriat loh hlana cheng nuai 25-a pek chu a pe kir leh ni-a Lalsawta'n a sawi chungchangah pawh KS. Thanga hian Lalsawta chu a In sak lai, sum a mamawh lai a nih avangin a remtihna thlapa sum hi dilsak a nih thu leh Pawisa pawh a hnenah an rawn dah chu Luangmual-a a In atangin Lalsawta hian Sawrkar motor-in PSO leh Driver hruaiin amah ngeiin a la thlap thu a sawi bawk.