Inter Branch YMA Football-ah Venghnuai

LBS Suzuki 21st Inter Branch YMA Football Tournament 2023 Final-ah Venghnuai chuan si khat faia Tlangnuam hnehin an Champion.

Zirtawpni zan khan Aizawl Mualpui-a Rajiv Gandhi Stadium-ah LBS Suzuki 21st Inter Branch YMA Football Tournament 2023 Final hi khelh niin la Champion ngai lo ve ve Venghnuai leh Tlangnuam te hi an inhmachhawn a, he inkhel a goal awmchhun hi minute 71-na ah ZD. Laltlansanga’n Freekick atanga a khung a ni a, hun tawp dawn tepah Tlangnuam hian penalty beisei neiin Tluangzela ball cross chuan VL. Ruata ban vei lam a per a, amaherawh chu VAR hman a la ni ve loh avang leh Referee leh Linesman ten an hmuh si loh avangin Penalty an hlawh zo lo a, goal dang lut lovin Venghnuai hi an vannei ta zawk a ni.

Venghnuai te hian Champion turin Team 7- Phuldungsei Phul Bial, Vaivakawn, Lengpui Model Veng, Darlung, Bethlehem Vengthlang, Salem Veng leh Tlangnuam an hneh a, goal 20 khungin goal 1 an chhuah a ni.

He Tournament-ah hian Venghnuai Captain Laldanmawia chu Best Player atan thlan niin Hualngohmun tana goal 11 khungtu Vanlalthanga chu Top Scorer a ni a, Semi finalits Salem Veng chuan Fair Play lawmman an dawng bawk a ni.