Extension of Chawnpui Sports Centre lungphum phum

/

Deputy Chief Minister Tawnluia chuan cheng nuai 300 senga Extention of Chawnpui Sports Centre sakna tur lungphum a phum.

Nimin a lungphum phumna hun Chawnpui Sports Centre-a neih ah Deputy Chief Minister Tawnluia chuan thalaite rualawt a an awm sawrkar in a hlau hle tih sawiin, kawng hrang hrangah hmasawnna an neih theih nan hmanrua chhawpchhuah sak chu a tum ber a ni tih a sawi a. UD&PA Department kaltlanga Chawnpui Sports Centre tih changtlung zel nana Extension sak a ni tur chu Chawnpui Veng leh a chhehvel mai nilo, Mizoram thalai ten an hmang tangkai zel dawn tih a sawi bawk a. Saitual leh Hnahthial District a hmantur Garbage Truck pahnih chu a vailiam nghal bawk a ni.

Extension of Chawnpui Sports Centre-ah hian Groundfloor bakah 1st Floor, Basement-I, Basement-II leh Basement-III te a awm dawn a, Ministry of Finance hnuaia Special Assistance to States for Capital Expenditure (SASCE) atanga sum hmuh cheng nuai 300-a thawh tur niin Zothan Consultancy Services, Luangmual in he hna hi an thawk dawn a, thla 12 chhunga zawh tura ruahman a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »