EVM enfiahna neih tur sawiho

Kumin-a Mizoram Legislative Assembly inthlanpui neih tur atan Serchhip District-ah inbuatsaihna kalpui mek niin EVM leh VVPAT First Level Checking chu tun thla ni 12 atang 16 chhung khian neih a ni dawn.
EVM leh VVPAT First Level Checking neih tur chungchangah hian nimin khan District Election Officer Nazuk Kumar IAS hovin sawrkar mi pawimawh te chu DC Meeting Room-ah thukhawmin inbuatsaihna kalpui dan tur an sawiho a. EVM leh VVPAT First Level Checking hi venhimna uluk tak hnaiah neih tur niin Serchhip DC Office dawrtu mipuite tan harsatna a awmlohna turin ruahmanna siam dan turte uluk taka ngaihtuah a ni.

Kumin a EVM leh VVPAT First Level Cheching te hi Mizoram CEO Office, Aizawl atanga an lo thlir theih turin Web Casting tih a ni dawn a, Engineer ten Vote thlakna khawl-ah an Symbol an dahluh lai chu Hall chhungah Political party aiawh ten an thlir theih turin TV-ah pekchhuah a ni dawn bawk a, hemi ni atan a mawh-phurhna la tur hrang hrangte an inruat nghal bawk a ni.

Nimin-a thutkhawm ah hian Addl. DEO James Lalnithanga leh SDO (Sadar) Rebecca Laldinmawii Hrahsel bakah Election Officer Lalrinsanga Hnamte, Addl SP Saidingliana Sailo leh Lalhruailiana Zote SDC te an tel a ni.