Electric Transformer ah SDCA in lawmthu an sawi

Serchhip khawpuia hman tur Transformer 6.3MVA pek chungchangah Serchhip District Consumer Association chuan P&E Minister leh P&E Department chungah lawmthu an sawi.

Inrinni-a thuchhuah an siamah Serchhip District Consumer Association chuan Serchhip khua hi Power Supply lamah kan khawlin min chawm zawh meuh tawhloh avangin hun engemawti atang khan Thlasik leh Fur laiin Power Supply-ah harsatna neuh neuh kan lo nei tawh thin tih tarlangin, hei vang hian Department hotute nena inberawnin theih ang angin hma an lak thu an sawi a. Nikum 2020 khan Department hotu lian te dawrin, Serchhip in Transformer a hman mek 2.5MVA pahnih hian min chawm zawh tawh loh avangin hemi thlakna tur hian Transformer lian zawk 6.3 MVA min pe turin P&E Minister leh P&E Department-a E-in-C ah te an lo dil tawh thu an sawi a. “He kan dilna te ngai pawi-mawh a kan sawrkar Power & Electricity Minister leh Department hotu lam ten Serchhip khawpuia hman tur Transformer 6.3MVA min rawn pe hi kan lawm hle a ni,” an ti.