EF&CC Minister in hmanpui

Mizoram University-a Department of Political Science buatsaih ni hnih awh tur 'National Seminar on India and G20: Setting a Global Agenda' hawnna nimin-a neih chu EF&CC Minister TJ. Lalnuntluanga chuan khuallian niin a hmanpui a, he hunah hian Minister chuan India ram in G-20 Presidency a chelh chhung hian khawvel mit hmuh-a ram hmasawnna phochhuah a nih theih nan leh hmasawnna tur theihna haichhuah leh zirchian kawngah Seminar chuan kawng thui tak Mizoram tan a thlen thei tih a sawi a. Mizoram chu ramdang nena inri a nih vangin insumdawn-tawnna leh ramdangte nena inlaichinna kawngah a pawimawh thu sawi bawkin, heng huang ah te hian Professor te chuan zirbingna nasa lehzual nei se a duh thu a sawi bawk.