A tha tehna ah PUC 34-na

Union Education Minister of State Dr. Raj-kumar Ranjan Singh chuan nimin khan rampum a College tha tehna ‘NIRF Ranking-2023’ a tlangzarh a, College Category-ah Pachhunga University College chu 34-na a ni.

NIRF Ranking hi Sawrkar Laipui Education Ministry siam a ni a, kum 2015 khan he Ranking hi tihchhuah tan niin tun hi a vawi riatna a ni. Kumin hian India ram pum-a College 2746 an tel a, kum kalta aiin 474 in an pung a. North East bikah chuan College 162 telin College tha zual Top 200 zingah North East atangin Pachhunga University College chauh hi an tel pha a ni.

National Institutional Ranking Framework (NIRF) Ranking 2023-ah hian Indian Institute of Technology (IIT) Madras chu pakhatna niin Indian Institute of Sciences (IISc), Bangalore chu pahnihna leh Indian Institute of Technology, IIT Delhi chu pathumna an ni a. Ramchhunga University tha tehnaah IISc, Bangalore chu pakhatna niin Jawaharlal Nehru University (JNU), New Delhi leh Jamia Millia Islamia ten an dawt a, Mizo-ram University chu he Category-ah hian 78-na niin Hmarchhak atangin Tezpur University chu 69-na niin a sang ber a, North Eastern Hill University (NEHU), Shillong chu 80-na a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar