Lirthei tlan leh hun dan a hmunah enfiah a ni

Serchhip khawpui chhunga lirthei kal dan leh lirthei dahna hmun chungchanga harsatna te chu nimin khan Serchhip Addl. SP Saidingliana Sailo hovin Serchhip Sub-Hqrs. YMA leh VC ten a hmunah an enfiah.
Tunhnaia Serchhip SP in Serchhip-a NGO hruaitute a kawm tuma sawichhuah bawhzuiin nimin khan Serchhip leisang Veng atanga Tuikhuah Veng thlengin Serchhip Addl. SP ho hian Serchhip Sub-Hqrs. YMA leh a huamtu VC, Serchhip Kawnpui VC leh Serchhip Kawnpui North VC ten a hmunah an tlawh a, he hunah hian Hmar Veng atanga Leisang Veng panna kawng pengthuam a lirthei dah thin in harsatna a thlen dan te, heng an en chin-a Parking Area leh Non-Parking Area siam a nih mipui in an zawm dan te, Parking Area siam belh a tulna lai hmun leh sumdawng ten bungrua load leh un-load chungchanga mipui tana harsatna awm thei sutkian dan turte enho a ni a, heta an en hona atang hian Police lam hian ruahmanna an siam leh dawn a ni.