DIET-a hnathawktu ten hna an chhunzawm leh ta

Mizoram-a DIET hnathawkte harsatna chu sawrkarin ni 15 chhunga chinfel a tiam avangin hnathawh tan leh an remti.
Association of Mizoram DIET Employees Executive Committee nimin-a thukhawm chuan hlawh an lak loh rei tawh avang leh an service-a harsatna lian tak an neih avanga hna an chawlhsan lailawk chungchang ah thuneitute nen an indawrna atangin an harsatna chu ni 15 chhunga chinfel an tiam avangin hnathawh chhunzawm tha an tih thu leh an hmalakna ngai pawimawha sawrkarin hma a lak sak chu an lawm hle tih an sawi a. Nimin atang khan an hna pawh chhunzawmin Serchhip DIET-a thawk te pawhin an hna an chhunzawm nghal a ni.

Hetihrual hian ni 15 hun pek an nih chhung hian an thilphut pathum chinfel sak tura sawrkar intiamna, an hlawh atana State sawrkar tum tur zaa 40 State Budget-a dah te, thla ruk hlawh a vaia pek tlak nghal leh Education Minister hova Planning, DP&AR leh Finance hotute nen an Service chingfel tura sawihona neih tura tihah sawrkar hmalakna an an thlir reng dawn tih AMDE chuan an sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man