Inkahna tihluih ah ngai lo

Serchhip Police hotute chuan tunhnaia Serchhip District Jail-a duty Home Guard inkap-hlum chu tih luih nia an hriat loh thu an sawi.
He  thihna thleng chungchangah hian Serchhip SDPO Kaste Romalsawma chuan thubuai ziahluh a nih thu leh a theih anga an chhui zui thu sawiin, an chhuizuina atangin he thil thleng hi tihpalh nia a lan thu leh thinrim-a inhauh vang nia a lan loh thu LENKAWL a hrilh a. Serchhip SDPO chuan Zirtawpni zan khan vanduaina tawk ta Lalhruaitluanga leh pawi khawihtu Lalrinthanga te hi midangte nen lui-ah an kal thu leh hetah hian zu te in in an haw hnuah pawh an in leh nia a lan thu a sawi a. Lalrinthanga hi zan dar 12:00 leh zing dar 2:00 inkarah Duty in hemi chhung hian Lalhruaitluanga hi a duty ve loh avangin Barrack-ah a lo mu zal thung a, Lalrinthanga hi Duty a zawh hnuah hian a Silai nen Barrack-ah hian lutin Magazine  te phawiin Lalhruaitluanga mu hi a va fiam a, Silai dawt te-a va hawlin a mu awm lo emaw a tih chu a lo puak ta si nia a lan thu a sawi a. Lalrinthanga hi thu zawhfiah a nih hnuah Jail-ah dah a nih tawh thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man