Free Health Check-up hawng

Mizoram Journalist Association (MJA) member te tana buatsaih Free Health Check-up chu nimin khan Health Minister Dr. R. Lalthangliana chuan Aizawl Civil Hospital-ah a hawng a, hriselna enkawl that a pawimawh thu sawiin, thuthar lakhawmtute chu an hriselna te ngai pawimawha uluk taka inenkawl zel turin a chah a ni. He hunah hian Health Minister chuan sawrkar hmalakna hrang hrangte pawh tarlangin, Aizawl Civil Hospital chu khawpui hmun laili taka awm, damdawi In pawimawh tak a ni tih sawiin, Dam-dawi In chu a hlui tawh avangin cheithat tuma hmalak mek anih thu a sawi bawk.

Health Minister chuan Health Care Bill ba cheng vbc. 70 chuang a awm thu sawiin, SEDP atangin vbc. 50 Bill ba rulhna tur hian dah a nih tawh thu leh Finance lam atangin cheng vbc. 10 vel hmuh tur an neih bakah Sawrkar laipuiin a pawmpui vek tawh Asian Development Bank atanga puk tur nen September thla ah bill ba hi pek tlak theih a rin thu a sawi bawk.