Union Minister hnenah thlen

District Council & Minority Affairs Minister Robert Romawia Royte chuan Ningani khan Union Minority Affairs Minister Zubin Irani chu a pisa-ah kawmin PMJVK Guidelines siam-thaa Mizoram pum a tuam thei tawh tur chu lawmawm a tih thu a hrilh a. Hun rei tak Mizoram District 8 te chuan PMJVK hnuaia hamthatna an dawn theih loh avangin hengte cover tura Mizo-ram Sawrkarin projects a siamte chu ngai pawimawh turin a ngen a. Kum kaltaa PMJVK sanction thar awm lo chu pawi a tih thu pawh sawiin, Mizoram chuan sum dawnsa tluang taka a hman theih avang leh a taka projects thawh zawh chin a san tawh avangin a bika ngaihtuah a phu thu a sawi bawk.