SEDP Family Oriented Phase-II kalpui leh dawn

Mizoram Sawrkar Flagship Programme SEDP-a Family Oriented chu a thawhhnihna atan kalpui leh tum niin chak taka hmalak mek a ni a, hemi chungchang ngaihtuah hian Ningani khan Mizoram State Planning Board Vice Chairman H.Rammawi hovin Aijal Club-ah sawihona neih a ni a, ruahman dan chuan SEDP thawh-hnihna ah hian chhungkua 60,000 hnenah tanpuina pek a ni dawn a, Mizoram State E-Governance Society (MSeGS) te nena tangrualin online a kalpui tum a ni a, he hunah hian MSeGS te chuan presentation an pe nghal a ni. He thutkhawm ah hian Planning Department hotute leh Line Department hotute bakah District tin DC te pawh an tel a ni.