Uniform inang hmang dawn

School Academic Session thar, 2023-2024 atangin Mizoram sawrkar hnuaia zirna In-a lut ten Uniform rawng inang tlang an hmang tawh dawn a, zirlaiten Sikul kai tan ni, April 5-a Uniform inang an hak hman ngei theihna tura hmalak a ni.

Sawrkar Sikul-a Uniform inang hman tumna hi nikum March khan rel fel a ni a, School Education Department pawhin hemi chungchanga mipui hriattirna chu nikum June thla khan a tichhuak tawh a ni. Hemi bawhzuina kal zelah March 15, 2023 khan District Education Officer leh Sub-Divisional Education Officer te chu lehkha thawnin, April 5-ah zirlaiten Uniform inang an ha ngei tur a ni tih a hriattir nawn leh a, zirna In ten an zawm that leh zawm that loh enfiah tura hriattir an ni bawk.

Sikul Uniform kekawr leh pawnfen atan Primary School-ah a dum pawl, Middle School-ah Light Grey niin, kamis var ban bul ve ve hak tur a ni a. High School leh Higher Secondary School zirlai tan kekawr leh pawnfen dum leh kamis var bar tlawn a ni ang.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man