Naupangte venhimna atana siam lehkhabu tlangzarh

Mizoram State Commission for Protection of Child Rights (MSCPCR) buatsaih ‘Naupang dikna chanvo kaihnawih inkaihhruaina’ (Child Rights Information & Resource Directory) tih lehkhabu chu nimin khan Social Welfare & Tribal Affairs Minister Er. Lalrinawma chuan a tlangzarh.

He Lehkhabu tlangzarhna puala inkhawm PHQ Multipurpose Hall, Khatla, Aizawl-a neih ah SW&TA Minister chuan khawvel in naupangte dikna chanvo a ngaipawimawh hle a, an dikna chanvo humhalhna dan a siam hial a, United Nations Conventions on the Rights of the Child (UNCRC) thuthlung ziah niin ram 196 ten an ziah tawh thu leh India ram pawh a tel thu a tarlang a. Mizoram-ah pawh naupangte humhalhna dan hrang hrang a awm a, heng dan te hi dik leh chak tak a kenkawh anih theihnan sawrkar, NGO leh Kohhran te thawkho zel turin a ngen a. Naupangte dikna chanvo humhalh chu mitin mawhphurhna a nih thu a sawi bawk.

He lehkhabu hi hlawm lian pui pahnih a then niin Then khatna ah danin naupang a bika enkawl leh venhim ngai a tarlante an awm a, Then hnihna ah naupang tanpuina pe thei te tarlan a ni bawk. He lehkhabu ah hian sawrkar, mimal leh pawl hming-naupang dikna leh chanvo humhim sak kawnga pawimawh te tarlan a ni bawk.