Tuikum MLA in Darlawng High School a hawng
He School thar hawnna hunah hian bialtu MLA chuan zirna chu a thil ngaih pawimawh zual tlemte zingah a tel tih sawiin, Zirna In pan tur kawtkai-ah a awm mai loh avangin hmun thenkhatah chuan zirna chhunzawm zel te a rem loh phah thin tih a sawi a. Darlawng-ah pawh hun rei tak atangin High School mamawhna a lo awm tawh thin tih sawiin, he an thil mamawh leh pawimawh tak mai VC, khawtlang nu leh pa leh mi thahnem ngai zualte tanrualna azara neih a lo ni dawn ta chu lawmawm a tih thu a sawi bawk.
Mizoram sawrkar-in Zirtirtu thahnem tak tunhnaiah a lak thu pawh Minister chuan sawiin, hei hian kan sawrkar in zirna a ngaih pawimawh zia a tilang chiang hle tih a sawi a. Darlawng khaw tan High School thar din a pawimawh tluk zetin, a enkawl chhunzawm hna thahnem ngai taka kalpui zel a pawimawh thu sawiin, he School Managing Board chu tan la zel turin a chah bawk.
Darlawng High School-ah hian kumin, 2023 Session-ah zirna tan nghal a ni dawn a, kumin hian Pawl 9 zirlai mi 10 leh pawl 10 zirlai mi 7 neiin bul an tan a, School building atan BNRGSK hman lailawk a ni ang. MLA Fund leh mi thahnem ngai te sum leh pai nena tangkawpin School enkawl hna hi thawh tan a ni.
Comments
Post a Comment