Sub-Hqrs. YMA Inkhawmpui Vawi 7-na neih tan a ni

/

Serchhip Sub-Hqrs. YMA Inkhawmpui vawi 7-na chu nizan khan Chhingchhip Playground-ah neih tan a ni.
 Tunkar Ningani zan thleng awh tur Serchhip Sub-Hqrs. YMA Inkhawmpui vawi 7-na hi Chhingchhip Venghlun Branch YMA chuan thlengin Playground-ah hian Pandal sak a ni a, thupui atan ‘Ram leh Hnam humhalh’ tih chu hman niin nizan khan Sub-Hqrs. YMA Fin. Secretary Zolianmawia kaihhruaiin Palai lawmna Inkhawm neih a ni a, Sub-Hqrs. YMA Asst. Secretary K. Laltlanmawia chuan report pein Report atanga a lan danin Serchhip Sub-Hqrs. YMA ah hian |huthmun Branch 28 bakah Group YMA 3-ah Branch 46, a vaiin Branch 74 a awm a, YMA Member 38,152 an awm mek bawk a ni.

He Inkhawmpui hi Vawiin hian Pandal hmunah chhunzawmin chawhma lamah Khuallian, bialtu MLA Er. Lalrinawma chuan a hmanpui dawn a, chawhnu lamah Variety Programme hmangin Hnam Lam leh zai chi hrang hrangte entir a ni anga. Zan lamah Kumpuan inkhawm neiin Central YMA Vice President Lalhma-chhuana chuan thu a sawi dawn bakah PHE Department atangin Tuihna humhalh chungchang inzirtirna neih a ni bawk ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »