Ruang chhar finfiah a ni

Nimin khan Thenzawl mi ramkal pahnih te chuan Thenzawl leh Zote South inkar Lungrang kham hnuaiah ruang chhe tawh tak pakhat chharin, he ruang hi enfiah a nih hnuah kumin March 19-a chin hriatloha bo Thenzawl Vengthar mi Isak Malsawmtluanga ruang a ni tih finfiah a ni.
Thudawn danin nimin chhun dar 12:30 vel khan Thenzawl Vengthlang mi pahnih chawhmeh zawnga ramkal te chuan Thenzawl ram Lungrang kham hnuai, Lendur ram an tih-a lui kawr hnar lamah ruang chhe tawh tak pakhat hi an hmu a, khawchhung mite hriattir an nih hnuah Police te pawh a hmunah kalin ruang hi enfiah a ni a, he ruang kawr hak atang hian tun thla ni 19 atanga chin hriatloh a bo Isak Malsawm-tluanga (15) s/o Ruatdika, Thenzawl Vengthar ruang ngei nia hriat a ni a, a ruang hi In lama lak a nih hnuah nimin tlai khan vuiliam nghal a ni.

Thudawn danin nimin-a ruang chharna hmun hi Thenzawl atanga Zote South kawng bul lawk niin Thenzawl atanga KM 7 vela hla ah Lendur hi a awm a, ruang an hmuhna tak hi kawng atanga thui vak lo chhoh ngai niin mibo zawn ni 5-na ah khan helai velah hian zawn a lo ni tawh a, hei bakah hian a ni 6-na ah khan helai bul lawk kawngpui hi bo zawnga chhuak ten RV atan an hmang bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man