Pensioner te tan kum khat ah vbc. 1713 vel hmang

Nikum (2022) December thla thleng khan Mizoram sawrkar (Old Pension Scheme) hnuaiah pensioner mi 21,146 leh Family Pension la mi 9,506 an awm a, chumi atana sawrkar sum sen zat chu kum khat ah cheng vbc. 1,713.93 vel a ni.

Kumin-a Assembly Budget Session zawh taka Finance Minister Zoramthanga tarlan danin, Mizoram sawrkar hnuaia Old Pension Scheme hnuaiah hian tun dinhmun (i.e. December, 2022)-ah pensioner mi 21,146 an awm a, heng pensioner-te tana kum khat (January, 2022 - December, 2022) chhunga senso zat chu cheng vbc.1463.18 vel a ni. An zero hun tur chu an damrei zawng nen a inkaihhnawih avangin hriat theih a ni lo a. Old Pension Scheme hnuaiah tho hian tun dinhmun (i.e. December, 2022)-ah Family Pension la (Family Pensioner) mi 9,506 an awm bawk a, heng mite tana kum khat chhunga senso zat chu cheng vbc. 250.74 vel a ni bawk a. An zero hun tur hi Family Pensioner damrei hun chhung leh an chhung zinga danin pension la thei a tih dang an awm dan te nen a inkaihhnawih avangin hriat theih a ni lo bawk.

Mizoram sawrkar chuan New Pension Scheme (NPS) chu 1.9.2010 atangin a hmang tan a, sawrkar hnathawk lak thar te'n pension hlawh an nei tawh lo a. Hetihlai hian Congress Party (MPCC) chuan sawrkarna an chang a nih chuan Old Pension Scheme hman ngei an tum tih an puang mek thung a. Punjab, Rajasthan, Chhattisgarh, Jharkhand leh Himachal Pradesh sawrkarte chuan Old Pension Scheme hi an hmang leh tawh nia tarlan a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man