ZPM an thang zel niin ZPM Leader in a sawi

ZPM Party chuan nizan hmasa khan Sesawng VC-II BNRGSK Hall kawt-ah Vantlang Inkhawm neiin he hunah hian ZPM Leader Lalduhoma chuan hmun tinah ZPM an thang zel tih a sawi a, “Kan tih a ni lova, thawktu a awm a, chunglamin min pui a ni tih hi hmuh theih hriat theihin kan chiang a ni,” a ti. ZPM Leader chuan, “Kan sawrkar ngei ang kan ti thei lo, Pathian thu thu a ni a, mahse inthlan hi kan nghakhlel hle a ni,” a ti bawk. Kan ramin a chhiatpui ber chu eirukna (corruption) a ni tih pawh Lalduhoma chuan sawiin, “He thila a mawhphurtu ber chu politician te kan ni. Mipui thlantlin roreltuten ram leh hnam hmasawnna aia eirukna leh hlemhletna an ngaih pawimawh zawk chhung chuan sawrkar hnathawk te leh mipui mimir chuan dikna leh rinawmna kan hnualsuat thin a ni,” a ti bawk. He hunah hian ZPM zawm thar mi 415 an lawmlut niin ZPM thuchhuah chuan a tarlang bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar