NIT Campus-a harsatna Union Minister-ah thlen

Lengpui-a National Institute of Technology (NIT) Campus dinna kawnga harsatna awm mek chungchang chu Mizoram Rajya Sabha MP K. Vanlalvena chuan Union Minister of Environment, Forest and Climate Change Bhupender Yadav-a hnehah a thlen.

Mizoram Rajya Sabha MP hian niminpiah tlai khan Bhupender Yadav hi a chenna In-ah hmuin NIT Campus chungchanga harsatna hi tawngka leh ziakin a thlen a, Bhupender Yadav chuan NIT Campus harsatna chungchang hi Mizoram Forest Minister TJ. Lalnuntluanga leh Higher and Technical Education Minister Dr. R. Lalthangliana te nen pawh an sawidun tawh thu sawiin, April thla chhung ngeiin Forest Clearance hi tihfel a ni ang tih a lo hrilh a. Environment, Forest and Climate Change changtu Secretary chu Telephone a be nghalin NIT Mizoram harsatna sutkian hna chu ngaih pawimawh hmasak berah nei turin a hrilh nghal a ni.

Lengpui-a NIT Campus nghet dinna tur hian kum 2020 January thla khan Union Cabinet Meeting chuan sum cheng vbc. 669.75 a lo sanction tawh a. Cheng vbc. 334.78 lai hman ral a nih tawh hnuah Riverine Reserved Forest ti-a Forest Department in complaint a thehluh avangin hnathawh kal lai zawng zawng tihtawp vek a ni a. Pawisa sanction tawh atangin vbc. 334.97 lai hman chhunzawm theih lohin a la tang reng a ni. NIT zirlai, State dang atanga Mizoram rawn pantu tam tak te bakah Mizoram hmun hrang hrang atanga Mizo zirlaite chuan hmunhma tha nei lovin Chaltlang leh Durtlang-ah te mimal In an la luah mek a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man