I&PR Minister hovin ‘World Book Day’ hmang

Information & Public Relation Minister Lalruatkima chuan hnam fing leh mifing apiangin lehkhabu hlut zia an hria tih a sawi.

World Book Day 22023 puala MZP General Hqrs. in nimin-a MZP Conference Hall-a hun an buatsaih a hmanpuina ah I&PR Minister chuan World Book Day hi ‘World Book and Copyright Day’ emaw, ‘International Day of The Book’ ti a sawi a ni bawk tih sawiin, UNESCO in kum 1995 atangin April ni 23 chu ‘World Book Day’ atan a lo buatsaih thu leh Mizoram-ah MZP hmalakna in kum 2022 khan he ni pualin hun hman tan a nih thu a sawi a. Kumin hian Pathianni a nih avangin a ni-ah hun a hman theihloh thu leh remchan zawkna avangin nimin-ah hun hman a nih thu a sawi bawk.

I&PR Minister chuan hnam fing leh mifing apiangin lehkhabu hlut zia an hria tih sawiin, “Thiamna thehdarh nan lehkhabu hi a pawimawh a ni tih an hre zual zel thin,” a ti a. Mizo tawng humhim leh tih hmasawn mai piah lamah Zohnahthlak hnam hrang hrang tawng tih hmasawn nan lehkhabu chu hmanraw pawi-mawh tak a nih thu a sawi a. Kumin 2023-a World Book Day thupui chu 'Indeginous Language' tih a nih thu leh a entir chu tualchhuak tawng humhalh leh tih hmasawn a nih thu a sawi a. Khawvel-ah hian tawng tam tak a ral thu sawiin, “Keini Zofate pawh hian kan tawng kan vawnhim leh tih hmasawn nan lehkhabu tam zawk ziak zelin, lehkhabu chhiar uar zel ang u,” a ti bawk.

MZP in World Book Day pual a hun buatsaihah hian MAL Book of The Year, 2022 dawngtu Dr. Zohmangaihi chu lawmpuina hlan a ni a. Ziaktu C. Lalnunchanga biangbiakna hun hman a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man