Harhna Ni hman a ni

Mizoram-a Harhna thlen champhaphak vawi 117-na chu nimin April 4 khan Presbyterian Kohhran chuan hmangin he ni pual hian nizan khan Kohhran hrang hrangah hun hman a ni. Mizoram-a Kristian-na a rawn luh hnu kum 1906 khan Mizoram Hmar lam aiawh leh Chhim lam aiawh mi 10 te chu Khasi ram, Mairang-a Harhna chhimin an kal a, heng mite rawn haw hi April 4, 1906-ah Chaltlang-a Bethel Lungphun-ah chawlin hetah hian Harhna an chang a, Mizoram pumah Harhna hi a thleng chho zui ta a ni. Presbyterian Kohhran chuan kum 1982 atang khan Mizoram-a Harhna thlen ni atan April 4 hi an hmang a, he ni pual hian Inkhawm neih thin niin thupui thlanbik hmangin thuchah ngaihthlak thin a ni bawk.