Easter Sunday hmang

Isua Krista Thihna hneha a thawhlehna ni, Easter Sunday chu nimin khan Serchhip-a Kohhran hrang hrang ten urhsun takin an hmang.
Kristian te ni pawimawh Easter Sunday-ah hian nimin zing khawvar hma atangin Salvation Army thalaite chuan Serchhip khawpui chhung Veng hrang hrangah rimawi nen Isua Krista Thawh-lehna thu hi puangin khawlai an fang a, Kohhran thalai dang te pawhin zingkar-ah Sunrise Service neiin Isua Krista thihna hneha a thawh-lehna thu hi puangin Pathian thuchah te ngaihthlaka puanchhuah a ni bawk.


Chhun lamah Kohhran hrang hrangte chuan Easter Sunday puala inkhawm neiin he ni puala thupui thlansa hmangin Pathian thuchah ngaihthlak a ni a, nizan thleng khan Inkhawmna hun buatsaih niin nimin chhun khan Kohhran hrang hrangte hian he ni pual hian thingpui ruai an buatsaih bakah chhun lamah Kawtthler-a hun hmang te pawh an awm bawk.

Serchhip-a Roman Catholic chuan Isua Krista thihna hnehna a thawhlehna lawmna atan hian nizan khan Serchhip P&E Veng atanga Assumption Church thlengin Bati chhi in kawng an zawh bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man