Thenzawl-ah khualzin te dawnsawn dan tur inzirtir
Sawrkar laipui-a Ministry of Tourism bul tuma Mizoram sawrkar Tourism Department in Thenzawl Auditorium-a ‘Tourism Awareness Programme under Capacity Building for Service Provider & Thenzawl Calling’ neih hi Thenzawl SDO (Civil) V. Lalmuanpuii chuan kaihruaiin Tourism Department atangin Deputy Director Dr. R. Lalrinchhani bakah Tourist Officer C. Ramsangzuali, Asst. Tourist Officer LV. Lalawmpuii leh Mizoram University-a Tourism and Hospitality leh Mizoram Tourism Development Agency aiawh ten he huna tel Thenzawl-a sumdawng hrang hrang- lirthei khalhtu, Puantahtu, dawr nghak leh Media te chu zirtirna an pe a ni.
He huna thu sawitute chuan Mizoram a Tourist ten an tlawh nasat ber leh khualzin hiptu ngah ber chu Thenzawl anih thu leh Mizoram a Tourist hmunpui atan ruahman chhoh mek a nih thu an sawi a, Ministry of Tourism in India rama Tourist Aspirational District atana a thlan 10 zingah Thenzawl chu a tel thu te, Mizoram-ah Tourist te tlawh tur khuanu duan hmun mawi leh nuam bakah mihring siamchawp nei tha ber a nih avangin mikhual ten an tlawh nasa dawn chauh tih te an sawi a, hei vang hian kawng engkimah mipui ten tanlak a tul thu leh Central leh Mizoram Sawrkar pawhin hma a lak chhoh zel tur thu an sawi a ni.
He hunah hian India rama Tourist te tana tangkai tura Ministry of Culture bultuma Mobile Apps siam thar inzirtirna neih a ni bawk.
Comments
Post a Comment