Supply Minister in Ex-Servicemen te hmanpui

Supply Minister K. Lalrinliana chuan nimin khan Ex-Servicemen League Sub-Hqrs. Kolasib District Assembly vawi 40-na chu a hmanpui.

Kolasib I&PR Conference Hall-a Ex-Servicemen League Assembly-ah hian Minister K. Lalrinliana chuan ram tan a nunna thap a an thatlai hun hlantute chu zahna chibai bukin, hna atanga an chawlh hnuah pawh khawtlang tana mi thahnemngai leh khawtlang kawng dik a kaihruaitu an ni thin te, Ex-Servicemen atangin ram kaihhruaina kawng a thawhhlawk tak tak an awm thin te chu fakawm a tih thu a sawi a. Hindi tawng thiam intihhmuhna kawng ah te, taksa insawizawi kawng ah te leh hrisel tur a insumtheihna leh mahni inthunun kawng ah te Mizo thangtharte entawntlak a awm chhunzawm zel turin a chah bawk.

Ex. Nk. Zonunmawia, Secretary tarlan danin Ex-Servicemen League hi kum 1977-a din niin Kolasib District chhungah member 600 chuang an awm mek thu a, Kolasib khawchhung ah member 160 bawr vel awmin kum 2019 atanga 2023 inkar khan Member boral 33 an awm a, an Member zingah kum 80 chunglam mi 25 an awm mek bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar