SHG te Puantah zirtir mek

Serchhip-a UD&PA Department chuan DAY-NULM hnuaiah Serchhip-a Self-Help Group (SHG) Member te tan Puantah zirna an buatsaih mek.
UD&PA Department hian Deendayal Antyodaya Yojana-National Urban Livelihoods Mission (DAY-NULM) hnuaia Member te tan kar hmasa Thawhtanni atang khan ‘Skill Training on Handloom’ hi New Serchhip a Training Centre, Sanchiraya Livelihhod Centre-ah an buatsaih a, he Training-ah hian SHG hrang hrang atangin mi 10 an tel a, ni 30 chhung Puantah hi zirtir an ni dawn a, heng mite zirtir tur hian Thenzawl atangin Puantah thiam te an rawn kal a ni. Tun tuma Puantah zirte hi Hmei-chhia ten Puan an bih thin bakah Khiangkawi Ipte atana an hman thin tah dan zirtir an ni dawn tih a zirtirtute chuan an sawi bawk.


Hetihlai hian UD&PA Department hian DAY-NULM hnuaiah Serchhip khawpui chhunga chengte tan Free Skill Training an buatsaih leh dawn mek a. Tun tumah hian Puanthui leh Chhang siam/ur zirna buatsaih leh tum niin a dil duhte tan tun thla ni 23 hmain Serchhip-a UD&PA Department Office-ah dilna form lachhhuakin thehluh theih a ni bawk ang.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man