MPCC in pawi tih thu sawi

Congress Party chuan tunhnaia District Council & Minority Affairs changtu Minister in Assembly House-a thu a sawi chungchangah ngaihdam dil ngai khawpa thu a sawi sual, mi thenkhatten Congress Party beihna remchanga an la hmang talh chu ngaihdam diltu leh ngaidamtute tih bawrhbanna a nih thu an sawi.

Nimin-a thu-chhuah an siamah MPCC Media Department chuan Assembly House-a DC&MA Minister in, “Lem ang kan va der mai mai a nih kha, saw lamah khan, Congress khan vote zawn nan kan va hmang mai mai a nih kha. Anni hian an lo awih ve em em a, kha chauh kha a ni, a ho tak tak a ni,” tih a sawi chungchangah Minister hian Feb. 27, 2023 khan Assembly House-ah ngaihdam a dil thu tarlangin, ngaihdam dil ngai khawpa thu a sawi sual, mi thenkhatten Congress Party beihna remchanga an la hmang talh chu ngaihdam diltu leh ngaidamtute tih bawrh-banna a nih thu leh pawi an tih thu an tarlang a. “Huat tlakah ngai ila chuan Congress Party hi Pu R. Lalzirliana thusawi haw ber tur kan ni ang,” an ti bawk.

MPCC chuan July ni 4 leh 15, 2009 khan khatih laia CM Lal Thanhawla leh MP (LS) C.L. Ruala-te khan Central sawrkarah Direct Funding an dilna hi ngenpuina an lo thlen tawh thu leh Ni 17.08.2017 a Council of Ministers Meeting pawhin  Cabinet Memo Item No. 10-ah, “Council of Ministers chuan District Council-te ‘Direct Funding’ pek hi kan thlawp a, a kalphung te, Financial Control Mechanism leh Administrative structure/set-up te chu Govt. of India in duang rawh se,” tiin thutlukna an lo dah fel vek tawh a ni, an ti a. “Congress Party hi District Council-te leh a chhunga cheng hnam hrang hrangte hmangaih bertu a ni tih chu anmahni hian an hrechiang,” an ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar