MNF in LMC-a Candidate tur an puang

MNF Party chuan tun thla tawp lama Lunglei Municipal Council (LMC) inthlanna hmasa ber neih tura an Candidate turte chu nimin khan an puang.

LMC inthlanpui neih tura MNF Candidate tur puanna hun hi Saikuti Hall-ah neih niin an Party Vice President Lalthlengliana chuan an Candidate turte hi a puang a, LMC-ah hian Party pathum ten a mal theuha an chuh dawn avangin Ruling Party Candidate-te an tlin ngei a beisei thu leh Ward tinah MNF Candidate an that ber thu a sawi bawk.

LMC inthlanna neih turah hian MNF chuan Seat 11 an chuh vek dawn a, an Candidate turte hi Ward No. I-ah R.Lalhmingmawia (Pukpui); Ward No. II-ah Laldingngheti Pautu (Zohnuai); Ward No. III-ah F.Lalsawmkima (Bazar Veng); Ward No. IV-ah Zoramdina Ralte (Venglai); Ward No. V-ah T. Vanlallawmi (Rahsi Veng); Ward No. VI-ah LH. Lianzama (Electric Veng); Ward No. VII-ah Lalrotluanga Ngente (Chanmari); Ward No VIII-ah C. Lalrindiki (Farm Veng; Ward No IX-ah Lalngaihawma Pachuau (Lunglawn); Ward No X-ah C. Vanlalthangi (Theiriat) leh Ward No XI-ah ZD. Ngurlianchhunga (Zobawk) te an ni.