LMC Inthlanpui-a ZPM Candidate tur puang

Lunglei Municipal Council (LMC) inthlanpui hmasa ber neih tur atan ZPM Party pawhin nimin khan an candidate tur an puang.

LMC Inthlanpui neih tura atana ZPM Candidate tur puanna inkhawm hi nimin khan Lunglei-a ZPM Office-ah neih a ni a, he hunah hian ZPM Working President K. Sapdanga chuan an Candidate turte hi puangin Lunglei khawpui enkawltu tur LMC inthlan hmasa berah ZPM-in candidate an nei tha berah an in ngaih thu leh Pathian zarah hnehna an chan ngei an beisei thu a sawi bawk.

ZPM Party hian LMC inthlanna neih tur Ward 11 te hi party mal in an chuh vek dawn a, Ward No. 1-ah : Lalhruaitluangi Sailo (Pukpui); Ward No. II-ah Lalmuanpuii Renthlei (Serkawn); Ward No. III-ah Lalzuithanga (Bazar Veng); Ward No. IV-ah R. Lalramzauva (Venglai); Ward No. V-ah Zonunmawii (Rahsi Veng) Ward No. VI-ah R. Lalremsiama (Electric Veng); Ward No. VII-ah K. Lalrinawma (Chanmari); Ward No. VIII-ah Malsawmkimi Khawlhring (Ramthar); Ward No. IX-ah Zorinsanga Hmar (Lunglawn); Ward No. X-ah Judy Lalhriatpuii (Luangmual) leh Ward No. XI-ah Vanlalliana Pachuau (Zobawk) te an ni a, Hmeichhia te tana Seat hauh bakah Hmeichhe Candidate pakhat an nei dawn bawk a ni.