Mizoram SLSA hotu in Serchhip District Jail a tlawh

/

Mizoram State Legal Services Authority (SLSA)-a Member Secretary R. Vanlalena chuan Inrinni khan Serchhip District Jail tlawhin Serchhip District Legal Services Authority-a thawktute nen inkawmna an nei nghal bawk.
Gauhati High Court in Jail hrang hranga tang te dinhmun leh thubuai nei zingah Bail a chhuah theih, Bail-tu (bailer) tur chungchanga harsatna nei te dinhmun enfiah tura ruahmanna a siam angin Mizoram SLSA-a Member Secretary R. Vanlalena hian Inrinni khan Serchhip District Jail hi a tlawh a, Serchhip District Jail a tlawh lai hian Jail tang mi 39 awm mekin an zinga 33 te chu mipa leh midang 6 chu hmeichhia an ni a, nu te an tan avanga tang ve naupang 2 an awm bawk a, Serchhip District Jail-a tang mek zingah hian Court in Bail a phalsak tawh, Bailer neih loh avanga harsatna tawk an awm lo a. Hemi rual hian Jail tang te dinhmun leh harsatna an neih te pawh a ngaihthlak sak nghal bawk.

    Mizoram SLSA-a Member Secretary hi Serchhip District Legal Services Authority-a Member Secretary leh Serchhip District Court-a Judicial Magistrate First Class Josangzeli Tlau leh a thawhpui ten lo dawngsawngin Serchhip Tourist Lodge-ah inkawmna an nei bawk a, he hunah hian District Legal Services Authority hmalakna leh an hnathawh hrang hrang te sawhoin, harsatna an neih te pawh sawiho a ni bawk.

    Serchhip District Jail hi mi 128 tan theihna niin tun dinhmuna tang mek mi 39 zinga mi 20 te chi an thubuai chhui lai leh Court-a thubuai ngaihtuah lai mek te an ni a, midang 16 te chu an thubuai ngaihtuah tawh leh tang tura an chungthu rel sak tawh te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »