MCS Offficer te siksawi

/

Serchhip District-a MCS hna thawklai te zingah a tam zawk chu an awmna leh an hna chelh mek siksawi a ni.
 Niminpiah khan Mizoram sawrkar chuan Mizoram-a MCS te hna chanpual engemaw zat a siksawi a, heng zingah hian Ser-chhip-a awm mek te pawh telin Junior Administrative Grade (JAG) te zingah DRDO-a Project Director Malsawmtluanga chu Kolasib ah DRDO hna chelh tura sawn a ni a, Addl. DC Lalmuansanga Ralte chu FCS&CA Department-ah Joint Director hna chelh tura sawn a ni bawk. Serchhip-a Addl. DC hna chelh tur hian HD. Lalpekmawia chu rawn dah a ni a, DRDO Project Director hna a chelh bawk ang.

MCS Senior Grade zingah Serchhip SDO (Sadar) Lalzikpuii chu GAD (SAW) leh DP&AR (GSW)-ah Under Secretary hna chelh tura sawn niin Kolasib DUDO nilai Rebecca Laldinmawii Hrahsel chu SDO (Sadar) tur hian rawn dah a ni a. Serchhip-a Settlement Officer hna chelh mektu Lalrinsanga Hnamte chu a hna chellai dang DUDO hna chelh zui tura tih niin District Sports & Youth Officer hna a kawp zui dawn a, Settlement Officer atan Gaston Vanlal-hriatpuia chu Kolasib District atangin a rawn awm ang.

Thenzawl SDO (Civil) V. Lalmuanpuii chu Champhai-ah SDO (Sadar) hna chelh tura sawn a ni a, a aiah hian Aizawl East-a DCSO hna chelh mektu Lalhlimpuii Ralte chu dah a ni a. North Vanlaiphai SDO (Civil) leh East Lungdar-ah BDO nilai Beitlotha Nohro chu Vairengte-ah SDO (Civil) hna chelh tura sawn niin East Lungdar BDO hna chelh turin Albert Vanlalruata chu Saitual atangin dah a nih bakah North Vanlaiphai SDO (Civil) atan Champhai atangin R. Lalnunkimi chu dah a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »