Larsap in Phawngpui tlang-a lawn te lo lawm

Governor Hari Babu Kambhampati chuan 23 Sector Assam Rifles huaihawta Phawngpui Expedition-a kal thalai rual te chu nimin khan Raj Bhavan-ah a lo lawm.

College hrang hranga Adventure Club member thlanchhuah thalai rual mi 30 te chuan G-20 huanga Assam Rifles in Program an buatsaih hnuaiah Phawngpui Expedition hi neiin mipa 16 leh hmeichhia 14 an ni a, heng mite hian an tih tur ang te an tih zawh hnuah nimin khan Aizawl thlengin Governor hian Raj Bhavan-ah lo lawmin inkawmna hun an nei a. Phawngpui Expedition a tel thalaite leh an hruaitute chu a thil tum hlawhtling taka an hlen theih avangin lawmawm a tih thu Governor chuan sawiin, he Expedition hian thalaite leh Mizoram mipuite bengah Tourism leh Adventure Tourism huanga Mizoram in theihna sang tak a neih chungchang te ring takin sawi se a duh thu a sawi a. Ruihlo do kawngah Assam Rifles hmalakna pawh fakin, tun tum Expedition a tel thalai te chu Mizo thalai zinga te nundan hrisel inkawhmuh kawnga hmahruaitu ni turin a chah bawk.

Phawngpui Expedition tia hming vuah hi March 10 khan Chief Secretary Dr. Renu Sharma chuan Aizawl atanga vailiamin March 12, 2023 khan Phawngpui Tlang chhip an lawnchhuak a ni. He Expedition hi G-20 huanga Assam Rifles in Program an buatsaih zinga pakhat niin Adventure Sports, Responsible Tourism, Mizoram vawnfai leh environment humhalh, ruihhlo laka thalaite inthiarfihlim, Mizoram a tlang mawi tak tak te dimdawi tak leh a ramhmul te tichhe lo leh a hmunhma te ti bawlhhlawh lo zawnga tlawhchhuah intihhmuh te inzirtirna atana huaihawt a ni.

Comments

Popular News (Last 30 Days)

Vawiin-ah HSSLC Exam result