Khawl bun hna thawk dawn

PHE Department in Electric khawl hmanga Tuikum lui tui an pump-na tur khawl thar chu Serchhip thlenpui a nih hnuah Vawiin atang hian khawl bun hna thawh tan a ni dawn a. PHE Department hotute chuan khawl bun hna thawh chhung hian Diesel khawl hmang chauha Tui hi pump theih a nih dawn avangin harsatna thleng lo thei tur ang bera hma an lak thu sawiin, Thawh-tanni-ah hian Consumers 1200 vel Tui pek a tul thu leh heng te hi Pump khawl vekin Fire Hydrant pathum pawh dah khah vek a nih thu an sawi a, tunah hian Tui pump sa litre 36,00,000 an neih thu leh mipuite tan harsatna lian thleng lo tura an beisei thu sawiin, harsatna dang a awm loh chuan naktuk zan-ah emaw Company mithiamte nen khawl hi enchhin hman an beisei thu an sawi bawk a ni.