HIV/AIDS enkawlna damdawi a tam tih sawi

Ramchhung chanchinbu pakhata HIV/AIDS veite enkawlna damdawi a tlem ni a tarlan chu thu dik lo a nih thu Mizoram State AIDS Control Society (MSACS) chuan an sawi.

    MSACS hian thuchhuah siamin HIV/AIDS veite enkawlna damdawi Anti-Retroviral (ARV) hi an kawl tam tawk tih an tarlang a. AIDS vei zinga AL-Adult an tih mai hmanga enkawl ngai hi mi 76 an awm thu sawiin, AL-Adult damdawi hi an ngah tawk thu leh chanchinbu pakhatin HIV/AIDS vei naupang enkawlna damdawi an pe thin nia a ziah chu thu dik lo a ni, an ti. Mizoram-ah hian AL-Adult damdawi hi thla khat chuang hman daih a awm a, ARV phei chu thla 6 hman daih zan ART Centre-ah te chhekkhawl a ni a, thlaphanna tur a awm lo a ni, an ti a. India hmarchhak State a AIDS Control Society-te hnena March thla laihawl vela thleng turin Central Medical Services Society (CMSS), Mumbai chuan damdawi hi a thawn-chhuak dawn mek niin an sawi bawk.