Aizawl-ah Chapchar Rimawi Kut hman a ni

Mizo Zaimi Inzawmkhawm (MZI) Gen. Hqrs. buatsaihin Inrinni kalta, March ni 4, 2023 khan Aizawl Sipai Lammual-ah ‘Chapchar Rimawi Kut’ chu Live music hmangin nei a ni.

MZI Charpchar Rimawi Kut-ah hian chawhnu dar 1:00 atanga zan dar 9:00 thlengin Live band tha tak tak ten mipui awiin Boomarang, Magdalene, Even Flow, To Coda, Er. Sanglura band, Forever Young, Zonun band leh NGO te pawh an inlan a, an ni bakah hian Band dang engemaw zat an inlan bawk a ni. He hun MZI Patron leh Minister R. Lalzirliana pawhin hmanpuiin, “Rimawi tum tu (musician) te hi mipuiin kan chawimawi an phu,” tiin Chapchar Rimawi Kut hmangtu zawng zawng chibai bukin duhsakna a hlan a ni.

MZI Charpchar Rimawi Kut hi a vawikhatna niin, rokhawlhna dang a awm a nih loh chuan live music hmanga kumtina neih tura ruahman a ni a. Tun tumah hian MZI Senior Member KC. Runremsangi chu India sawrkarin Padma Shri dawng tura a thlan avang leh Art huang atanga thlan a nih avanga lawmpuina leh chawimawina MZI aiawhin an president Er. Lalrothanga chuan a hlan bawk a ni.

Comments

Popular News (Last 30 Days)

Vawiin-ah HSSLC Exam result