Latest News

Health Minister in Lengpui-a hnathawh a enfiah

Mizoram sawrkar thil pawimawh hrang hrang buaipuia New Delhi-a zin Minister Dr. R. Lalthangliana chuan Inrinni khan a rawn haw pahin Lengpui Airport Medical Inspection (MI) Room, Lengpui Damdawi In leh Sub-Centre te tlawhin an mamawh hrang hrangte a enfiah.

Dr. R. Lalthangliana chuan Lengpui Airport MI Room chu ram dang khualzinte tan a pawimawh bik thu leh G-20 avanga an lo chei tha chu lawmawm a tih thu a sawi a. Tihchangtlun zel a ngaih thu leh an mamawh leh thil tulte chu a hnenah thlen a, a theih anga lo puih zel a tum thu a hrilh a ni.

Lengpui Damdawi In leh Lengpui Health Sub-Centre a tlawhna ah Minister hian Lengpui Damdawi In chu Covid hun lai atang tawha khualzinte tana Mizoram in a chhawr tangkai em em a ni tih sawiin, nakin ah eng hri emaw pawh lo thleng leh thei a ni a, Mizoram tan khualchhawn Damdawi In pawimawh tak a nih thu a sawi a. Staff Quarters sak that ngaite enin hma lak zel a tum thu leh Damdawi In mamawh hrang hrangte chu a hnena thlen zel turin a hrilh bawk. Hei bakah hian Isolation Ward sak mek pawh en nghalin thawktute hnenah tha leh rinawm thei ang bera thawk turin a chah a, tuna an sak mek chin chu an sak that em avangin lawmthu a sawi nghal bawk a ni.

Comments

Popular News (Last 30 Days)