Glaucoma Week pualin in-zirtirna leh Mit entirna nei

Tun thla ni 12 atanga ‘Glaucoma Week’ hman pualin District Blindness Control Society, Serchhip District-a thawktute chuan nimin khan Chhingchhip-ah Cataract Eye Screening Camp an buatsaih.
Glaucoma, Mit Presure sang tia hriat hi mitdelna thlentu tam ber dawttu niin hei vang hian Mit hrui ro neih leh neih loh te enfiah ve reng thin tur a nih thu thawktute chuan an sawi a, Mit leh lu na vak vak, luak chhuak, khaw hmu fiah lo, khaw hmu thei lo thut leh khaw eng-a Chhimbal zam ang hmu thin nei te chuan inentir vat tur a nih thu an sawi a ni.

Nimin-a Chhingchhip-a Cataract Eye Screening Camp-ah hian kum upa mi za chuang leh School naupang mi 20 te chu an Mit dinhmun enfiah sak an ni a, Glaucoma tha lo hmuh awm lovin Cataract vanga harsatna tawk mi 7 hmuh an ni thung. Glaucoma Week pual hian Refraction tih nghal ni bawkin, a thlawnin Tarmit 30 vel sem nghal a ni bawk.