Bawrhsap in kangmei laka fimkhur turin mipuite a chah

Serchhip District Bawrhsap chuan ramkang kan pumpelh theihna turin mipuite chu fimkhur turin a chah.
    Hemi chungchanga thuchhuah a siamah Serchhip District Bawrhsap Nazuk Kumar IAS chuan khua a lo thalin Serchhip District chhungah ngei pawh ram kang hmuh tur a awm ta zeuh zeuh tih a tarlang a. Heng ramkang kan pumpelh theihna tur leh chhiatna nasa lehzual a thlen loh nan mipuite zawm tur tarlangin, Cha chheh hal tur reng reng ten kangmei tichhuak lo turin fimkhur taka hal tur a nih thu te, In bul hnai huan leh bawlhhlawh hal atangin kangmei/ramkang a chhuah tak fo avangin fimkhur thar tur leh mei timit lova kalsan mai mai loh tur a nih thu te, Ramkal tur reng rengin meizial bung paih mai mai loh tur a nih thu leh Ramhnuai/khawlai kangmei kan kai theihna laiah mei chhem mai mai loh tur a nih thu te a tarlang a. Ramkang/kangmei chhuak hmututen kalsan ringawt lovin a rang thei ang berin Fire Station-ah emaw, District Emergency Operation Centre Contact no.222010/9862116104-ah te hriattir vat thin tur a nih thu a tarlang bawk.