Assam lakah ram hloh nei lo

Home Minister Lalchamliana chuan Assam lakah Mizoram in ram hloh a nei lo niin a sawi. Nikum December ni 21 khan Assam Chief Minister Himanta Biswa Sarma chuan Mizoram ni thin acre 1,800 a zau chu Assam-in a neihsak tawh niin Assam Assembly-ah a sawi a, Mizoram Home Minister Lalchamliana erawh chuan Assam-in Mizoram ram leilung a laksak lo niin a sawi thung a. “A nihna takah chuan Assam in ramri a a pawm Notification No. 2106 A.P. ni 9 March, 1933 pelin tun dinhmunah hmun engemaw zatah Mizoram a awm zawk a ni,” a ti a. Mizoram in ramri a a pawm Notification No. 2299 P ni 20 August, 1875 thleng hi luah turin hmalak mek a ni, a ti bawk. Lalchamliana chuan Mizoram chhung, Assam state ramri hrula awm huan leh thlai neite’n an huan thlai rah seng chung-changah harsatna an tawk lo niin a sawi bawk.

Comments

Popular News (Last 30 Days)

Vawiin-ah HSSLC Exam result