Apps thar 'Thenzawl Calling' tlangzarh a ni

/

Tourism leh Information and Communication Department changtu Minister Robert Romawia Royte chuan Mizoram-a khualzin hipna hmun pakhat, Thenzawl khawchhung tlawhtute tana hman tangkai tur, Self Guided visitor app 'Thenzawl Calling' a tlangzarh.

SAD Conference Hall-a 'Thenzawl Calling' tlangzarhna hunah hian Tourism Minister chuan ‘Thenzawl Calling' app chuan State khawpui tan chang nilo, Mizorama thingtlangte tan thlengin hmasawnna nasa tak a thlen ngei a rin leh a beisei thu a sawi a. A tangkaina leh thatna chu thuah hnih a nih thu sawiin, Mizoram chu khawvel mite mithmuh-a phochhuahna remchang anih rualin sumdawngte tan hlawkna leh hmasawnna ropui tak a thlen thei dawn a ni, a ti bawk.

Thenzawl Calling app hi Google Playstore leh Apple App Store atangin a download theih a. Khualzinmi ten 'Virtual Reality (VR)' hmangin Thenzawl khuaa hmunhma hrang hrangte an chhim thei dawn a. Nimin-a tlangzarhna hunah hian Pankaj Manchanda, Tech Start Software Solutions Pvt. Ltd. chuan app chungchang hi sawifiahin, Serchhip District Bawrhsap Nazuk Kumar IAS pawhin thu a sawi bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »