Puantahtute inthlak thiam ve turin Bawrhsap in a chah
Serchhip DC Office leh SDO (Civil) Thenzawl Office tangkawp in Thenzawl a Puantahtu ten kawng hrang hranga hma an sawn theihna tura kumin January 9 atanga ‘Handloom Training Under Restructuring of Handloom Cluster in Thenzawl Project’ an buatsaih khara inkhawm nimin-a SDCO (Civil) Conference Hall-a neih a hmanpuina ah he thu hi sawiin Bawrhsap Nazuk Kumar chuan Puan-tahtu ten Training hlawhtling leh hlawkthlak tak an nei thei chu lawmawm a tih thu a sawi a. An thil zirchhuah te chu midangte tana tangkai taka hmang tura fuihin, Fashion Industry-ah thil chhuak thar avanga duhzawng a inthlak zung zung angin Puantahtute chu an inthlak danglam zung zung ve a tul thu leh mahni irawm chhuak hmang tangkaia chawl lova hmasawn tum zel turin a chah bawk.
He Training hi Ministry of Tribal Affairs atanga sum hmuh cheng nuai 65 hmanga neih niin kumin January 9 khan District Bawrh-sap hian a lo hawng tawh a, Thenzawl-a puan-tahtu thlanchhuah mi 25 ten ni 26 chhung Training hi neiin Puantah Quality leh design tha leh mawi zawka neih dan tur te, puantah chhuah thlalak mawi zawka Social Media lama pho-chhuah dan te leh kawng hrang hranga an hma-sawnna turte mithiam ten an zirtir a. Training chhuak te hi TA/DA pek theuh an nih bakah Bawrhsap hian Certificate leh Puantahkhawl a hlan bawk a ni.
Nimin-a Puantahtute Training kharna hun hi Thenzawl SDO (Civil) V. Lalmuanpuii chuan a kaihruai a ni.
Comments
Post a Comment