NSS in College thianfai

Govt. Serchhip College-a NSS Unit chuan nimin khan Cleanliness Drive neiin an College Campus thenfai hnatlang an nei a, he hun hi he College Principal K. Laldinpuii chuan hmanpuiin an College chu sawrkar mi pawimawh leh mikhual ten an paltlang renga awm an nih avangin an College fai leh fai loh chuan College mai ni lovin Serchhip pum hmel a tilang tih a sawi a, hei vang hian College vawnfai ngai pawimawh turin zirlaite chu a chah a ni. Hei bakah hian an College chu Plastic hmanlohna hmun a nih tawh thu pawh sawiin, hman khat daih Plastic te chu an lo hmang palh a nih pawhin a paihna tur, bawlh-hlawh bawm-ah uluk taka paih turin a chah bawk a ni. He hunah hian NSS Volunteer ten an College Campus chhung hmun hrang hrang an thianfai a ni.