Oil la hralhchhuak thei lo

Serchhip-a Petrol Pump awmchhun, PB. Lalzuithanga Filling Station-a khawl a chhiat avangin tun thla ni 2 hnu lamah Petrol leh Diesel pekchhuah theih a la ni lo.
    He Filling Station enkawltute hnen atanga thu kan dawn danin Petrol leh Diesel pekchhuahna atana khawl an hman chu Electric kalsual avangin tun thla ni 2 khan chhiain a siamtha turin IOC thuneitute an be nghal a, niminpiah khan Silchar atanga Mechanic rawn thlengin nimin khan siam tum a ni a, amaherawh chu siamthat mai theih a nih loh bakah a khawl chhia thlakna tur hi Guwahati atangin Zirtawpni khian IOC Sales Manager chuan Mechanic nen an thawn tur thu a sawi a, hei vang hian khawl chhia hi siamthat theih a ni ta rih lo a ni.

He Filling Station enkawltute chuan an Petrol leh Diesel chhekkhawl sa te chu khawl hmanga chhinchhiah fel vek a nih avangin duh duha lakchhuah mai theih a ni lo tih pawh an sawi a, hei vang hian thuneitute hnenah khawl danga lachhuaka mipuite harsatna sukiang tura hralh phalsak tura an dil tawh thu an sawi a. Amah-erawh chu Sales Manager hian phalna a pek theih rih loh avangin lakchhuah theih ala ni lo tih an sawi bawk a. He harsatna thleng hi mipui te pawhin lo hrethiam se an duh tih an sawi bawk.