Insenghawi turin hriattir

National Highway-54 laihzauh hna thawh meka Rehabilitation & Resettlement Award latute chu an In leh lo thiah ngaite thiat thuai tura tih an ni.
    Hemi chungchanga Serchhip District Bawrhsap leh NH. 54 Widening & Upgradation Project Serchhip District-a Competent Authority for Land Acquisition (CALA) Nazuk Kumar IAS in thuchhuah siama a tarlan danin Serchhip District chhunga NH-54, Aizawl - Tuipang kawng laih zauhna tura ram lâk chu The National Highways Act, 1956 hmangin zawh a ni tawh a. JICA guidelines zulzuia siam RAP Report-a Entitlement Matrix angin Rehabilitation & Resettlement Award pawh a dawng turte hnenah sem ni tawh bawkin, kawng zauh hna chak zawka kalpui a nih theih nan Feb. 8, 2023 atanga chhiara kar hnih (2) chhungin Rehabilitation & Resettlement Award latute chuan an In leh lo thiah ngaite thiat a, kawng siam hna tan anih theih nan chhuahsan vek tura hriattir an ni.