Hospital kum 100 tlin lawm

Christian Hospital Serkawn (CHS) kum 100 tlin lawmna chu nimin khan Serkawn BCM Hqrs. a BCM Hall-ah neih a ni a, he hun hi Health Minister Dr. R. Lalthangliana chuan khuallian nia hmanpuiin Christian Hospital Serkawn din tan kum 1923 atanga tun thlenga Zoram mipuite tana an hnathawh leh rawngbawlna chu ropui leh fakawm a tih thu a sawi a. Kan ram hmasawn zelna turin mipuite damna leh hriselna a pawi-mawh hmasa ber tih pawh sawiin, kan Health Infrastructure-te ti changtlung zel turin sawrkar chuan chak takin hma a la mek zel tih a sawi bawk. Christian Hospital Serkawn hi February ni 10, 1923 khan bul tan niin Mizoram a Mission Hospital hmasa ber niin Sawrkar Hospital chhiar telin Mizoram-a Hospital hmasa 3-na a ni bawk.

CHS Centenary lawmna pual hian Rev. R. Lalbiakliana, General Secretary, BCM chuan Hospital Centenary Building sak thar chu a hawng nghal bawk a ni.